ETB1en eta ETB2n
Gaur izango da "EiTB Kultura" saioaren denboraldiko azken atala
EiTB
Gema Intxausti artista, Nigara Zuek musikaria, Ixiar Rozas idazlea eta Jabier Landa 'Korte' artista plastikoa ezagutuko ditu saioak azken atal honetan.
EiTB Kultura saioaren logoa. Irudia: EiTB
Gaur bukatuko da "EiTB Kultura" saioaren aurtengo denboraldia. Azken saio honetan, Gema Intxausti artistarekin izango dira Artiumen. Gasteizko museoan, Intxaustiren ibilbideari errepasoa egiten dion erakusketa bisitatu daiteke egunotan.
Horrez gain, Nigara Zueken disko berria ezagutuko dugu. Zabortegitik salbatuak du izena; izan ere, zabortegian topatu zuen organo zahar batekin egindako kantuak biltzen ditu.
Ixiar Rozas idazleak, bestalde, bere gustuko pelikula, disko eta liburuen berri emango digu Hernanin. Rozasek, gainera, Unisonoa izeneko lan berria prest du.
Eta Jabier Landa Korte artista plastiko eta muralistaren lanak ikusiz bukatuko da saioa.
"EiTB Kultura" gaur izango da ikusgai ETB1en, ETB2n eta eitb.eus-en.