ETB1en, ETB2n eta eitb.eus-en
Liburuen sortze prozesuan murgilduko da "EiTB Kultura" saioa gaur gauean
EiTB
Horrez gain, Dupla musika taldeko Gari Uriarteren kultur gomendioak, Bilboko Artiatx arte espazioa eta "Leiho zikin, zeru urdin" ikuskizuna ezagutuko ditu saioak.
"EiTB Kultura". Argazkia: EiTB
Gaur gauean, liburu baten sortze prozesuan murgilduko da "EiTB Kultura" saioa Leire Lopez Ziluaga Susa argitaletxeko editorearekin eta Leire Bilbao idazlearekin.
Bestalde, Dupla musika taldeko Gari Uriartek bere disko, liburu eta pelikula kuttunen berri emango digu.
Horrez gain, saioak Bilboko Artiatx arte espazio berria ezagutzera ere egingo du txangoa.
Saioa borobiltzeko, Oihana Vesgak eta Nerea Gurrutxagak, sortu duten dantza ikuskizuna erakutsiko digute: "Leiho zikin, zeru urdin" izenekoa. BAD jaialdian, Bilboko Antzerki eta Dantza Garaikidearen jaialdian, estreinatuko da.
"EiTB Kultura" saioa ostegunetan izango da ikusgai, 23:15ean ETB1en eta 00:45ean ETB2n. Bai euskarazkoa eta baita gaztelaniazko bertsioa ere eitb.eus-en izango dira ikusgai.