Erronka berriak, gaur gauean, 'Gailurra Xtreme' saioaren atal berezian

Gaurko 'Gailurra Xtreme' atal bereziak Monte Perdidoko lasterketaren gaziak eta gozoak errepasatuko ditu. Ibon Gaztañazpik, gainera, erronka berriak ditu buruan, eta horietako batzuk aurreratuko dizkigu.

Horretarako, Sara Gandara kazetaria, Oinatz Bengoetxea pilotaria, Julen Gabirondo segalaria, Irati Astondoa, Aitzol Atutxa eta Joxe Mari Olasagasti aizkolariak eta programako kamerari izan zen Aitziber Ibarbia izango dituzte gonbidatu.

'Gailurra Xtreme Perdido' gaur izango da ikusgai, 22:30ean, ETB1en eta eitb.eus-en.