Anbotoko Kilometro Bertikala, gaur gauean, 'Gailurra Xtreme' saioan

'Gailurra Xtreme' saioaren bigarren denboraldia hasteko, G2H-Goierriko Bi Handiak proba amaitzea lortu zuen Ibon Gaztañazpik joan den asteko atalean, eta atsedenerako denborarik gabe, beste erronka batean murgilduko da gaur gauean: Anbotoko Kilometro Bertikala.

Oso erronka ezberdinari aurre egingo dio oraingo honetan, eta Xabier Orbegozo Arria V.a aizkolariari botatako apustua izango dute jokoan. Anbotoko Kilometro bertikalean (3,8 km eta +1025 metro) ikusiko ditugu korrika, eta euskal selekzioko bi neska laguntzaile izango dituzte ondoan; Ibonek, Uxoa Irigoien, eta Arria V.ak berriz, Oihana Azkorbebeitia.

'Gailurra Xtreme' ostegunetan izaten da ikusgai, 22:30ean, ETB1en eta eitb.eus-en.