Aurrestreinaldia
'Go!azen'en Donostiako aurrestreinaldirako sarrerak ordu batean agortu dira!
A.A. | EiTB
Baina egun horretan, urriaren 6an, kontzertu bat ere emango dute telesaileko aktoreek Belodromoan eta bertarako sarrea librea izango da.
'Go!azen' 5.0ko aktoreak
Urriaren 6an Izan EiTB Jaiaren barruan izango den 'Go!azen' telesailaren aurrestrenaldirako sarrerak ordu batean agortu dira. Hala ere, ez da hori izango 'Go!azen'eko aktoreak ikusteko aukera bakarra egun horretan; izan ere, kontzertu bat ere eskainiko dute eta bertara sartzeko sarrera librea jarriko da.
Donostiako Belodromoan ospatuko da Izan EITB Jaia urriaren 6an. Egun osoan zehar haurrentzako ekitaldi ugari izango dira: jolasa, 'Ene Kantak', '3txulo' eta '3zpa4'koen emanaldiak... 17:00etan, berriz, kontzertua emango dute 'Go!azen'eko kideek. Jai honetarako eta kontzertura sartzeko sarrera librea izango da eta aktore guztiak bertatik bertara ikusteko aukera izango da.
Ondoren, 19:00etan Atano III.a pilotalekuan denboraldi berriko lehen atala ikusteko aukera izango dute. Bertara sartzeko sarrerak erreserbatu ahal izateko aukera irailaren 20an jarri da internet bidez eta ordu betean agortu dira.
Amaitzeko, berriz, Gaztea Irratiaren txanda izango da, 21:30etik aurrera Belodromoan bertan, Iseo & Dodosound taldearen kontzertuarekin.