Denak Igorren mehatxua beteko ote den beldurrez, "Go!azen Etxean" saioan

Kontu eta historia gehiago dakartza gaur gauean "Go!azen Etxean" saioak. Igorrek asteak daramatza Basakabiri buruz gaizki esaka bere bideoblogean. Baina joan den astean urrats bat harago joan zen, eta aste honetan, gonbidatu baten bideoa argitaratuko zuela esan zuen. Gonbidatu horrek, antza, egun gogorrak igaro zituen Basakabin Zuri eta gainerakoen erruz.

Gainera, Elik kontzertu ezkutu bat antolatu nahi du Garik online kantatu ahal izateko. Pasa den astean burumakur zegoen konfinamendua dela eta, aurreikusia zuen kontzertua antolatu ezin izan zuelako, eta, horregatik, lagunak sekretuan bilduko dira beste kontzertu ezberdin bat egin ahal izateko. Hori bai, Markelek lanak izango ditu sekretua gordetzeko.

Beste aldetik, Enekok Manchesterretik itzultzea erabaki du. Jada badaki bere liga bertan behera geratu dela eta gurasoekin egon nahi du. Horregatik, lagunei deituko die azkeneko aldiz Manchesterreko logelatik.

Igandeetan 21:00etan izaten da ikusgai "Go!azen Etxean" ETB1en eta eitb.eus-en.