Estreinaldia
'Basakabitik mundura', "Go!azen"en denboraldi berriko bideoklipa
EITB MEDIA
Azaroan estreinatuko den telesailak hamar urte beteko ditu eta urte hauetako kanta desberdinen zatiekin osatu da aurtengo bideoklipa. Urdaibaiko Ekoetxean, Laidako hondartzan eta Mundakako portuan grabatu dute
Your browser doesn’t support HTML5 video
Gaurtik aurrera, uztailak 21, ikusgai dago ETBn, eitb.eus-en eta sare sozialetan Basakabitik Mundura, "Go!azen" telesailaren denboraldi aurreko bideoklipa. Iker Laurobak sortu du eta urte hauetako kanten zatiekin osatu dute, aurten telesail arrakastatsuak hamar urte beteko dituela ospatzeko.
Telesailak nabarmentzen dituen baloreak biltzen dira musika-klip honetan, adiskidetasuna, ekologismoa, askatasuna eta LGTBI+ eskubideak, besteak beste.
Urdaibaiko Ekoetxean, Laidako hondartzan eta Mundakako portuan grabatu dute bideoklipa. Bertan honako pertsonaiek hartu dute parte: Garazi (Nerea Elizalde), Zuri (Maria Redondo), June (Lorea Intxausti), Saioa (Mikele Arizkorreta), Noa (Marina Ostolaza), Lea (Haizea Astrain), Gontzal (Kimetz Etxabe), Luken (Ander Lacalle), Aner (Xabi Elizalde), Bosko (Ander Ayerza), Mattin (Unai Arana) eta Urtzi (Unai Arrieta).
Azaroan estreinatuko den "Go!azen 10" fikzioak 100 atalen langa gaindituko du. Denboraldi honetan zehar egungo eta betiko talde eta abeslarien kanten moldaketak entzun ahal izango dira: ETS, Bulego, ZETAK, IZARO, Berri Txarrak, Maixa eta Ixiar, Sagarroi edo Izaki Gardenak, besteak beste.
Dagoeneko, gainera, bideo bereziak eta filmatze lanetako argazkiak daude ikusgai "Go!azen" aplikazioan (iOS eta Android) eta eitb.eus webgunean.
Halaber, sare sozialetan (Instagram, Facebook, eta TikTok) telesailaren inguruko eduki asko ere topa daitezke.