Garbiñek Aimarri ihes egiten lagunduko dio gaur 'Goenkale'n

Garbiñek ihes egiten lagunduko dio Aimarri, poliziak preso har ez dezan. Garbiñek poliziaren galdeketari aurre egin beharko dio batetik, eta bestetik, Lupek, gertatzen ari dena ulertu gabe, egingo dizkion galderei ere.

Madariagatarrentzat ere ez dira gauzak ongi ibiliko; Germanek Inesen haurdunaldiaren berri izango du, eta Mireiak Lukas atzerrira bidali nahiko du lan egitera.

Jonek bere mendekotasuna gainditu nahian jarraituko du, beharra eta nahiaren arteko etengabeko borroka anker batean.

Bestalde, Sabino eta Kandido familiako tentsioak lasaitzen saiatuko dira, baina Abelek eta Asunek ez dute beraien arteko ezadostasunak konpontzeko jarrerarik hartuko.

Azkenik, Julian Arraldera itzuliko da berriro, bere alabekin egun batzuez geratzeko asmoz.

Gaur 22:15etatik aurrera ikusi ahal izango dugu 'Goenkale'ren atal berria.