Dorothy Arralden agertuko da, 'Goenkale'n

Dorothy, Julianen neskalaguna, Arralden agertuko da inork ezer jakin gabe. Juliani isilpeko informazioa lapurtu izana leporatu diotela, eta lanean ari zen enpresatik bota dutela kontatuko die bertakoei.

Bestalde, Leireren gogortasuna desagertuz joango da une batzuetan. Bere familiak bizi duen egoeraren aurrean etsita egongo da, eta bere anaiarekiko sentimendu kontrajarriak izango ditu. Bien bitartean, Garbiñek Sabinorengan aurkituko du babesa. Sabinok Aimar bisitatu eta bere neskalagunaren alde egingo du.

Jagoba Maddi eragozten arituko da, eta Eider bere alde agertu eta lagundu egingo dio. Maddik gizon horrekin harreman bat izan zuela eta Saidek ezer ez dakiela kontatuko dio bere lagunari. Maddik, hala ere, ez daki Said eta Eiderren artean ezkutuko harreman bat dagoenik.

Germanek badaki Inesek zenbat hilabete daramatzan haurdun, eta bere semea ote den galdetuko dio honi.

'Goenkale' astelehen eta astearteetan dago ikusgai, 22:30ean hasita, eitb.com-en eta ETB-1en.