Mireiak Oliverren zerbitzua erabiliko du, 'Goenkale'n

'Goenkale' telesailaren gaurko atalean, Jaione bere emazte ohia aurkituko du Erikak. Hainbeste urte elkar ikusi gabe eman ostean, emozioz betetako unea izango da, eta hiltzen ari dela azalduko dio Jaionek Erikari. Gainera, bere senarra izandakoaren erabateko aldaketak zirrara handia eragingo dio Jaioneri.

Mitxel eta Alizia koskak berdintzen hasiko dira. Bere ama hil berri dela eta inoiz ama ona izan ez dela esango dio Mitxelek Aliziari.

Samuelen heriotzaren ostean, Kandidok elkartasun olatu bat abiatuko du, haren hilotza aberriratzeko asmoz. Imanol, aldiz, errudun sentitzen da.

Alizia eta Kandido kexa zurrunbilo batean murgilduta daude; beraien harremanaren eta dibortzioaren baitan, elkarri botatzen diote errua. Polizia-etxean, aldiz, Kaietek Esther bortxatu izana ukatuko du, eta egun horretarako alibia duela adieraziko du.

Mireiak lehen aldiz erabiliko du Oliverren zerbitzua, eta guztiz esperientzia atsegingarria izango da bientzat.

Bestalde, Barbarak ez du uste Coralinaren semea Garirena denik, eta aitatasun-proba egiteko eskatuko dio bere semeari.

Ez galdu "Goenkale", astelehen eta astearteetan, 22:15etik aurrera, ETB1en.