Gaur gauean, 22:15ean
Kepak adarrak jarri dizkiola susmatuko du Barbarak, 'Goenkale'n
Gaur gaueko Goenkaleren atalean, Kepak Luperekin adarrak jarri dizkiola susmatuko du Barbarak, emakume-lurrin usaina hartuko baitio. Luperekin dagoela pentsatuko du, baina Kepak Mireia maite du.
Your browser doesn’t support HTML5 video
Asteartean, Goenkalen, emakume-perfume usaina hartuko dio Barbarak Kepari. Senarra Luperekin oso maitekor ikustean elkarren artean zerbait dagoela susmatuko du Barbarak, baina oker ibiliko da. Izan ere, Kepak Mireia maite du, eta esan egingo dio Mireiari. Azken hau Estherrez arduratuko da, Kandidorekin maitasun harreman bat izateko prest baitago. Halere, Mireiak ohartaraziko dio nahaspila batean sartuko dela, berak hil baitzuen Abel.
Erikak Juleni egia esan nahi dio, baina ez daki nola esan. Gainera, amesgaiztoak ditu: aita zein duen jakin ondoren, Julenek bere buruaz beste egingo du Erikaren amesgaiztoetan.
Aitzak bere gurasoen argazkiak dituen karpeta bat aurkituko du Dorletaren gauzen artean. Arrazoia azalduko dio Dorletak: Kepak eta Barbarak iruzur egin zioten bere amari. Aitzak min hartuko du gertatutakoaz, Dorletak mendeku bezala erabili duelakoan, eta harremana etengo du.
Bestalde, Asier Luperengana gerturatuko da, bere etxera joango da bizitzera. Ondorioz, Sabino jeloskor jarriko da, eta gauetan horman zehar bikotea entzuten ibiliko da.
Mitxelek bere etxera lo egitera gonbidatuko du Alizia, baina honek ezezkoa emango dio. Gau hartan bertan, baten bat Bogara sartuko da ezkutuan.
Ez galdu Goenkale, astelehen eta astearteetan, 22:15ean, ETB1en eta zuzenean, eitb.com bidez.