Coralinaren erditzea, gaur, 'Goenkale'n

Gaur gaueko atalean, Erikak Julenekin zituen arazoak konpondu ditu, eta operatzea erabaki du. Manexek ezingo du Atxurin jarraitu, denbora batez alde egin behar duelako, eta, hori ikusita, Itxasok Asun kontratatuko du Manexen ordez.

Estherrek Kandido konbentzitu nahi du berak ez duela erru guztia esanez, baina bere esfortzuak alferrikakoak dira. Asier ere alferrik ari da Sabino Luperengandik eta ezkontzatik aldentzeko ahaleginean. Lupek eskatuta, biek antolatu beharko dute ezkondu aurreko jaia. Mitxelek ez du ondo hartuko Kandido Aliziarengana gerturatzea, nahiz eta Kandido gerturatzeko arrazoia laster izango duten iloba izango den.

Mireiak konkurtsorako aurkeztutako proiektua ez dute aukeratuko, eta Alvaro Larrea izango da irabazlea.

Bestalde, Oliverrek Luperen aholkua kontuan hartuko du, eta komisarira joango da, Ignacio autoarekin harrapatu zuela aitortzera. Mitxelen autoa istripua izan zen tokian azaldu zen, eta Oliverrek horri buruzko informazio garrantzitsua emango dio.

Coralinak Gariren aholkua kontuan hartuko du, eta bere etxean aurkeztuko da gauzak argitzeko asmoz. Barbara minduta dago, eta ez dio Coralinari etxean sartzen utzi nahi, baina Coralinaren erditzeak denak ezustean harrapatu eta gauzak erabat aldatuko ditu. Barbarak lagunduko dio erditzen, baina ume bat mundura ekartzearen poztasunak ez du egoera konponduko, guztiz kontrakoa baizik.

'Goenkale' astelehen eta astearteetan emititzen da, 22:25ean, ETB1en.