Aurrerapena
Ernestoren itzulera eta Mitxelen amatzakoaren agerrera, 'Goenkale'n
Bi aurpegi berri ikusiko ditugu gaurko atalean. Batetik, Ernesto espetxetik atera eta Arraldera itzuliko da, eta, bestetik, Maria agertuko da telesailean, Mitxelen adopziozko ama.
Your browser doesn’t support HTML5 video
Denborarekin ezin dena ahaztu. 'Goenkale' denboraldi honen amaierara iristen ari da, eta gaurko atalak tentsio une handiak izango ditu. Epaiketa baten zain dagoen arren, Ernesto aske geratu da eta Arraldera itzuli da. Aliziak, Itxasok eta, batez ere, Inesek ez dute itzulera hau begi onez ikusiko.
Bestalde, Itxasok ez du inolako interesik Asuni iruzur egin zion gizonarekin, baina hura harrapatzeko plan bat bideratu du. Asunek sinatu zuen kontratua balio gabe geratzea nahi du Itxasok. Horretarako, Aitzaren laguntzarekin argazki batzuk atera eta xantaia egingo diote iruzurgileari. Halere, hemen ez da dena bukatuko Asunentzat. Bere etxean bi lapur sartzen utziko ditu, engainatuta erositako objektuen bila zetozen bi langile zirelakoan.
Mitxelekin gertatukoaren ondoren, Aliziak Kandidoren babesa izango du, eta maite duela aitortuko dio. Esther ez da egoera horrekin gustura sentituko, baina Kandidok ez dio Aliziari laguntza ukatuko. Mitxel ez zela berez hil jakin berri du Aliziak, odolean aurkitu duten substantzia toxiko batengatik baizik. Baina, inork ez badaki ere, Mitxel ez da hil.
Gaur, ez galdu 'Goenkale'ren atal berria. Hitzordua, 22:25ean, ETB1en eta eitb.com-en.