Izaskun kaleratu egingo du Arantzak, gaurko 'Goenkale'n

Gaur gauean, 'Goenkale'ren atalean, Arantzak kaleratu egingo du Izaskun bere senarraren maitalea dela jakin ostean. Arantzari Jagobak berak kontatu diola uste du Izaskunek. Jagobak emaztearekin eztabaida izango du Izaskun kaleratu duela jakin ondoren.

Itxasorekin hitz egin ostean, Alaznerekin hitz egin eta Endikarenganako sentimenduen berri ematea erabaki du Fatimak. Alazne haserretu egingo da, baina bi lagunen arteko aldentzea laster bukatuko da; izan ere, Endika beste neska batekin ikusiko dute.

Bestalde, Itxasok susto ederra hartuko du bere etxera sartu eta Paola ikustean. Familia arazoak direla eta, Paola Arralden dago berriro.

Oliverren auziaren inguruko hainbat xehetasun argitara eman dira, eta Mireiak ezin du jasan hedabideen presioa. Dena dela, bere lagunen babesa izango du, eta kazetarien eta horien galderei aurre egingo die.

Aurreko atalean ikusi genuenez, bere gurasoek Amalia amama hil zutela jakin zuen Taniak. Amesgaiztoak eta haluzinazioak ditu orain. Gainera, eztabaida izango du amarekin.