Halloween gaua ospatuko dute gutarrek gaur

'Gu Ta Gutarrak' saioko lehiakideek ezuste beldurgarri ugari biziko dituzte igande honetan. Izan ere, saioak Halloween gaua ospatuko baitu. Saio berezia izango da gaurkoa, eta, aterpetxean eta platoan, misterioa, beldurra eta garrasiak izango dira nagusi.

Egundoko saio ikaragarria izango dute gutarrek arimen gau honetan. Gutarrak aterpetxetik irten eta baserriz baserri ibiliko dira, Orioko bizilagunak ikaratzen. Baina beraiek emandako sustoek buelta izango dute. Gauaren hotzean eta kale ilun baten erdian gutarrak bakar bakarrik daudela, norbaitek ez die begia kenduko. Mehatxua izango dute bizkar atzean eta espero ez duten bisita beldurgarri bat, edo batzuk, jasoko dituzte. Nortzuk dira? Zertara datoz?

Gutarrek, gau ilun eta misteriotsu hau ospatzeko, eta giroan erabat barneratzeko, mozorro izugarriak jantziko dituzte soinean eta Michael Jacksonen 'Thiller' dantzatzera ere ausartuko dira.

Gure gutarrak azkar izutzen dira? Nortzuk dira bisitan joango zaizkien pertsonai beldurgarriak? Norena izango da mozorro beldurgarriena? Gutarrena, kuxkueroena ala Julenena? Misterio hauek guztiak igande gau honetan argituko dira.

Kandelak piztu, kalabazak hustu eta iluntasunaren konplizitatearekin, prestatu zaitezte gau misteriotsu bat pasatzera, sorpresak eta sustoak ez baitira faltako. Tximistak, burezurrak, odola, ezusteak eta ika-mikak, Halloween gau berezirako.

'Gu ta Gutarrak' 21:00etan dago ikusgai gaur, ETB1en.