Jon Maya dantzaria, gaur gauean, 'Gure Kasa' saioan

Jon Maya, Kukai konpainiako dantzari, koreografo eta zuzendaria, izango dute gaur gauean 'Gure Kasa' saioan.

Iban Garciak eta Maite Azpiazuk, berriz, elkarrekin pelikulatxo pare bat ikusi dituzte. Amak beldurrezko filmak erabat gorrotatzen ditu, eta ezetz asmatu ze pelikula jarri dioten.

Xabi Unanuek fitxategi handiak bidaltzen erakutsiko du. Dokumentuak, kalitaterik galdu gabe, gailu batetik bestera nola bidali ikasiko dugu.

Ekhi Arrietak 21 urteko donostiar bat aurkeztuko du. Duela bost urte hasi zen gimnasia erritmikoa egiten, eta orduantxe aurkitu zuen bere benetako afizioa. Unai Arrieta gimnasia erritmikoan txapelduna Euskadin, duela gutxi Frantziako txapelketan parte hartu duena, ekarriko du saiora.

'Gure Kasa' 21:30ean dago ikusgai, astelehenetik ostegunera, ETB1en eta eitb.eus-en.