Joseba Ezkurdia pilotaria, gaur gaueko 'Gure Kasa'n gonbidatu

Joseba Ezkurdia, eskuz binakako txapelduna, izango da gaur gauean 'Gure Kasa' saioko gonbidatua. Sorpresak, jolasak eta denetarik prestatu dizkiote, eta, gainera, Arrasaten egon da Irati Andarekin, esku pilota ez den beste kirol batean saiatzen.

Bestalde, Iban Garciak jendea gorritzea lortu du. Kalean egon da, eta bertan harrapatu duen jendeari dantzak eskaini dizkio. Aitor Frantsesenak, bere aldetik, etxea nola garbitzen duen erakutsiko du. Eta jarraian, jolas bat egingo du Joseba Ezkurdia eta Telleria anaiekin.

'Gure Kasa' astelehenetik ostegunera izaten da ikusgai, 21:30ean, ETB1en eta eitb.eus-en.