Urdaibai Arraun Taldeko kideak, gaur gauean, 'Gure Kasa'n

Gaur gauean, Bermeoko Urdaibai Arraun Taldeko kideak, 2017ko ligako irabazleak, hartuko dituzte 'Gure Kasa' saioko platoan: Joseba Fernandez, Jon Unanue, Beñat Eizagirre eta Alain Kolunga arraunlariak, hain zuzen ere. Aurtengo denboraldian buru-belarri sartuta daude, eta Irati Andak bertatik bertara ezagutu du taldearen entrenamendu bat nolakoa den.

Iban Garciak ez du trainerurik hartuko, baina arraunean arituko da Wii bideo-jokoarekin.

Amaitzeko, Aitor Frantsesena Gallo hartuko dute, eta nola janzten den erakutsiko du. Nola konbinatzen ditu pertsona itsu batek kamiseta bat eta galtza batzuk? Zein trikimailu erabiltzen ditu?

'Gure Kasa' astelehenetik ostegunera izaten da ikusgai 21:30ean eitb.eus-en eta ETB1en.