'Erlauntza' antzezlaneko aktoreak izango dira gaurko gonbidatuak 'Gure Kasa' saioan

Estreinatu berri den Erlauntza antzezlanaren bost aktore protagonistak izango dituzte gaurko 'Gure Kasa' saioan gonbidatu: Itziar Atienza, Sara Cozar, Naiara Arnedo, Getari Etxegarai eta Leire Ruiz.

Erlauntza obrak txikitatik ezagutzen diren lagun batzuen bizipenak kontatzen ditu. Sei lagun landetxe batean elkartuko dira festa bat egiteko eta hasieran umore onez hasiko dena, ez da oso ondo amaituko: pixkanaka, trapu zaharrak, sekretuak eta trama ezberdinak ateratzen joango dira.

Bestalde, saiora etortzen diren gonbidatu gehienak urduri egoten dira, Nerea Aliasen artxiboa dela eta. Gaurkoan, bideo bana prestatu du beraientzat.

Iban Garciari, berriz, egunetik egunera astakeria handiagoak bururatzen zaizkio. Bizarra mozteko aparra gorputzean eman, elurretako panpinaz mozorrotu eta hondartzara joan da.

'Gure Kasa' astelehenetik ostegunera izaten da ikusgai, 21:30etik aurrera, ETB1en eta eitb.eus-en.