21:30ean
'Cabaret Chichinabo' gaur izango da ikusgai 'Gure Kasa'n
EITB
Gainera, Aitor Frantsesena olatu artifizialak dituen igerileku batean surfean arituko da eta Iban Garcia 'Aupa Etxebeste!' bat egiten ahaleginduko da.
Cabaret Chichinabo
Cabaret Chichinabo ikuskizunaren protagonistak izango dituzte gaur gaueko 'Gure Kasa' saioan gonbidatu. 2015eko udan sortu zen kabaret arrakastatsua Bilboko Euskalduna Jauregian izango da ikusgai uda honetan, abuztu amaiera eta iraila hasiera bitartean. Hamabi abesti, hamar aktore eta mila istorio: musika, komedia eta terapia, denetarik eskainiko dute astearteko gonbidatuek.
Aitor Frantsesena Gallo-k ere bisita egingo du saiora bideo ikusgarri batekin. Aizarnazabalen izan da olatu artifizialak dituen igerileku batean surfean.
Iban Garcia ere izango dute, eta oraingoan, bere helburua Aupa Etxebeste! bat egitea izango du. Etxetik atera gabe pasa beharko ditu oporrak.
Your browser doesn't support HTML5 video.
'Gure Kasa' gaur izango da ikusgai 21:30etik aurrera ETB1en eta eitb.eus-en.