ETB1en, 21:30ean
Gorka Aguinagalde izango da gaurko gonbidatua 'Gure Kasa' saioan
EiTB
Gasteiztar aktorearen ibilbidea ezagutuko dugu Julen eta Antton Telleriak egingo dioten elkarrizketaren bidez.
Gorka Aguinagalde aktorea. Argazkia: EiTB
Euskal Herriko umoregile onenetako bat izango dute gonbidatu gaur gauean 'Gure Kasa' saioan: Gorka Aguinagalde. Denetarik egin du urte hauetan: antzerkia, telebista, zinema eta baita musika ere. Uda honetan ere lanean aritu da, Cotillas en 3D antzezlanarekin eta Aupa y Olé laneko bakarrizketekin. Nerea Aliasek Gorkaren artxiboko irudiak aurkitu ditu eta Oroitzapenen kaxa ekarriko du berriz.
Iban Garciak kamera ezkutu bat egin du. Turista batzuengana joan da eta 'free tour' bat eskaini die Donostian barrena. Naiara Gagok antzerkia ekarriko du eta Aitor Frantsesenak 23 urteko artista handi bat aurkeztuko digu: Garazi Erkizia.
Julen eta Antton Telleriak gidatzen duten saioa astelehenetik ostegunera izaten da ikusgai ETB1en eta eitb.eus-en, 21:30ean.