21:30ean
Andoni Ortuzar, gaur gauean, 'Gure Kasa' saioan
EITB
Maddalen Arzallus Meatzaldean izango da, Andoniren eskualdean, inguru horretan euskarazko hitzak nola zaindu dituzten ezagutzeko.
Andoni Ortuzar Euzkadi Buru Batzarreko presidentea izango dute gaurko 'Gure Kasa' saioan gonbidatu. Azken urteotan politika munduan ezagutu dugu, baina kazetaria da ogibidez. Astelehen honetan, lasaialdia hartzeko tartea izango du telebistara egindako bisitan.
Maddalen Arzallus Hitzen zaindaria Meatzaldean izan da, Andoniren eskualdean. Euskal industrian garrantzia handia izan duen inguru honek euskarazko hitzak nola zaindu dituen ezagutuko dugu.
Bestalde, Nerea Alias ETBko artxiboan murgildu da berriz ere, Andoniren irudi bitxienak aurkitzeko asmoz. Zer aurkitu ote du?
Amaitzeko, udazkena iritsi denez, Iban Garcia gaztainen bila joan da. Gaztainak bilatu, batu eta gaztaina erreak egiten ahalegindu da.
'Gure Kasa' astelehen honetan izango da ikusgai, 21:30ean, eitb.eus-en eta ETB1en eta eitb.eus-en.