Uxue Fraile korrikalaria, gaur gauean, 'Gure Kasa' saioan

Mundu mailako korrikalaririk onenetako bat, Uxue Fraile, izango dute gonbidatu gaur 'Gure Kasa' saioan. Mont Blanceko ultratrailean bigarren postua lortu berritan dator ETB1eko saiora.

Iban Garciak Euskal Herriko pertsonaia ezagunenei saiora etortzeko gonbidapena egiten jarraitzen du. Fermin Muguruzarekin egingo du saiakera oraingo honetan.

Aitor Frantsesenaren eskutik, Alain Irazu ezagutuko dugu. Duela 20 urte istripu batean hanka galdu zuen, baina geratu gabe dabil. Behobia-Donostia lasterketan parte hartu du, eta patinatzailea ere bada.

'Gure Kasa' astelehenetik ostegunera izaten da ikusgai, 21:30ean, ETB1en eta eitb.eus-en.