Arnaldo Otegi izango da gaurko gonbidatua 'Gure Kasa' saioan

Arnaldo Otegi EH Bilduko koordinatzailea izango da gaur gaueko 'Gure Kasa'ko gonbidatua. Bere ibilbidearen errepasoa egingo dute eta politikatik kanpo nolakoa den argitzen saiatuko dira.

Maddalen Arzallus, Hitzen zaindaria, Elgoibarren izan da Arnaldoren herriko euskal hitz eta kontu zaharrak biltzen. Nerea Alias ETBko artxiboan murgildu da, Otegiren antzinako irudiak bilatzeko eta beste gauza askoren artean, bere telebistako lehen aldia aurkitu du.

Nahiara Gagorekin jolas egingo dute eta Iban Garcia kalera atera da berriz, kamera ezkutu berri batzuk egitera.

'Gure Kasa' astelehenetik ostegunera izaten da ikusgai, 21:30ean, ETB1en eta eitb.eus-en.