Xabier Zaldua aizkolaria izango da gaurko gonbidatua 'Gure Kasa' saioan

Gaur gauean, Xabier Zaldua aizkolaria izango dute ETB1eko 'Gure Kasa' saioan gonbidatu. Zalduak Euskal Pentatloia proba ikusgarria irabazi berri du, eta ETBko 'Gailurra X3EM' saioko lehiakidea izan da, laugarren etapan lasterketa utzi zuen arte.

Gonbidatuak Telleria anaien galderei erantzungo die, eta saioko kolaboratzaileekin arituko da. Nerea Aliasek ETBko artxiboan bilatuko ditu Xabier Zalduaren irudi zahar eta bitxienak, eta Maddalen Arzallus Arratian ibiliko da Abestien zaindaria atala egiten. Besteak beste, Gontzal Mendibil abeslariarekin izan da, eta honek abesti berri bat kantatu digu, beste inon egin baino lehen.

Amaitzeko, Iban Garciak aho zabalik utziko gaitu Google arts and culture aplikazioarekin.

'Gure Kasa' astelehenetik ostegunera izaten da ikusgai, 21:30ean, ETB1en eta eitb.eus-en.