Jose Luis Korta izango da gaurko gonbidatua 'Gure Kasa'n

Arraun eta abentura kutsua izango du gaurko 'Gure Kasa' saioak, Jose Luis Korta izango baitute gonbidatu. Arraunlari, patroi eta entrenatzaile modura, guztira Kontxako 17 bandera irabazi ditu. Berak du errekorra. Telebistan ere aritu da, 2002tik 2015era 'El Conquistador del Fin del Mundo' saioaren bederatzi ediziotan parte hartu zuen. Kortak ez du inor epel utzi.

Horrez gain, Jon Garate kalean Kortari buruz galdezka ibili da. Zer erantzun ote diote? Nahiara Gagok arraunarekin eta tostarekin zerikusia duen jolasa ekarriko die platora. Hori guztiaz gain, Iban Garciak bere txikitako abestien play-list bat osatu du. Horrekin nahikoa ez eta bideoklipak ere egitera ausartu da. Aitor Frantsesenak Aitor Manterola aurkeztuko du. Down sindromea dauka eta dantzaria da. Artista bat.

'Gure Kasa' astelehenetik ostegunera izaten da ikusgai 21:30etik aurrera ETB1en eta eitb.eus-en.