21:30ean
'Gutuberrak' webserieko kideak, ostegunean, 'Gure Kasa' saioan
EiTB
'Gutuberrak' webseriea hobeto ezagutzeko, bertako hainbat kide izango dira osteguneko saioan gonbidatu. Horrez gain, Gasteizko abesti eta doinuen berri ere izango dugu Maddalen Arzallusen eskutik.
'Gutuberrak' saiokoak, Durangoko Azokan. Argazkia: EiTB
Abenduaren 6ean estreinatu zen webseriea eitb.eus-en eta hurrengo egunean, Durangoko Azokan euren lanaren aurkezpena egin zuten. 'Gureak' eta 'Youtuberrak' hitzak nahasten baditugu, emaitza 'Gutuberrak' da. Olatz Beobide, Amaia Lizarralde, Nerea Arriola, Ioritz Tapia eta Ascensión Egaña izango dituzte 'Gure Kasa' saioan gonbidatu webserie berri honi buruz hitz egiteko. Egungo arazoei aurre egin behar dien familia berezi bat da protagonista; lan espedienteak, kanporaketa azkarrak edo pentsio urriak gainditzen ikusiko ditugu, betiere tonu umoretsuan.
Ondoren, Maddalen Arzallus 'abestien zaindaria', Gasteizen izan da bertako abestiak eta doinuak ezagutzen. Nerea Alias, ETBko artxiboan murgilduko da eta Iban Garcia kalera irten da kamera ezkutu berri bat egitera.
'Gure Kasa' saioa, astelehenetik ostegunera, 21:30ean, ETB1en eta eitb.eus-en.