Athletic Clubeko neskak izango dira gaurko gonbidatuak 'Gure Kasa' saioan

Athleticeko neskak izango dira gaur 'Gure Kasa' saioan. Lau lehoi eme: Ainhoa Tirapu, Leia Zarate, Damaris Egurrola eta Ainhoa Alvarez. Laugarren doaz orain ligan baina beraien historia laburrean bost liga eta Euskal Herriko sei Kopa irabazi dituzte. Gurekin hitz egitera eta ondo pasatzera gonbidatu ditugu saiora.

Nahiara Gagok jolasean jarriko ditu lehoiak, eta Nerea Aliasek beraien entrenamendua jarraitu eta partida bat jokatu du Athleticeko neskekin. Ondoren, Asisko Urmenetak eta bere errotulagailuek hainbat kontu margotuko dituzte.

2019a ate-joka daukagunez, Iban Garciak egutegi bat egitea erabaki du. Zer bururatu ote zaio youtuber azkoitiarrari?

'Gure Kasa' astelehenetik ostegunera izaten da ikusgai, 21:30ean, ETB1en eta eitb.eus-en.