Emakume Master Cupeko lau pilotari, gaur gauean, 'Gure Kasa' saioan

Gaur gauean, 'Gure Kasa' saioan, Emakume Master Cup txapelketa hasiberrian ari diren lau pilotari izango dituzte: Olatz Arrizabalaga, Gentzane Aldai, Iera Agirre eta Amaia Aldai.

Nahiara Gagok aulki-jokoan dantzan jarriko ditu lau gonbidatuak. Pilotek ere garrantzia izango dute, eta bakarrak irabaziko du. Nerea Aliasek Youtuben duen kanaleko bideo berri bat ekarriko digu. Pilotari lanetan ahalegindu da frontoian.

Maddalen Arzallusek Abestien zaindaria tartea aurkeztuko du. Oñatin izan da oraingoan, bertako abestiak ezagutu eta kantatzeko asmoz.

Iban Garciak, bestalde, saiora etortzeko gonbidapenak banatzen jarraitzen du. Bernardo Atxaga idazlea aurkitu eta gonbidatu nahi izan du aste honetan. Bere ahaleginaren emaitza ikusiko dugu saioan.

'Gure Kasa' astelehenetik ostegunera izaten da ikusgai, 21:30ean, ETB1en eta eitb.eus-en.