Jaime Otamendi kazetaria, gaur gaueko 'Gure Kasa' saioko gonbidatua

Gaur gauean, 'Gure Kasa' saioan, Jaime Otamendi irratia eta telebista ondo baino hobeto ezagutzen dituen kazetaria hartuko dute. Egun, Donostia Kulturako arduraduna denaren lan-ibilbidea errepasatuko dute Telleria anaiek eta Aitziber Garmendiak.

Nerea Alias ETBko artxiboan murgildu da Jaimeren antzinako irudiak aurkitzeko. Nahiara Gagok, berriz, Telleria anaiak eta Jaime Otamendi 'egia ala gezurra' asmatzen jarriko ditu. Jon Garatek irratia kalera eramango du Donostiako kultur agenda errepasatzeko. Maddalen Arzallus Hitzen zaindaria Elduainen izan da, Jaimeren jaioterrian, bertako hitz eta esamolde zaharrak entzuten eta ikasten.

Iban Garcia, Azkoitiko youtuberra, bestalde, 'Super Iban' bihurtuko da. Herritarrak laguntzen ibili da kalean.

'Gure Kasa' 21:30ean dago ikusgai ETB1en eta eitb.eus-en.