Huntza musika taldea izango da gaurko gonbidatua 'Gure Kasa' saioan

Gaur gauean, Huntza taldeko kideak beraien hirugarren lana, Xilema, aurkeztera joango dira 'Gure Kasa' saiora. Josune, Aitzol, Inhar, Uxue, Peru eta Aitzol azken urteetan bizi izan dutenaz, lan berriaz eta orain martxan jarri duten kontzertu biraz arituko dira.

Nerea Aliasek bere artxiboa zabalduko du Huntza taldeko partaideen irudirik bitxienak erakusteko. Nahiara Gagok jolasean jarriko ditu eta Onintza Enbeitak erabaki bat hartzeko eskatuko die Kantarota atalean. Bertso bat bota edo kartak. Zer aukeratuko dute?

Bestalde, Jon Garate kalean ibiliko da, eta 'lasai-lasai' hitz egin eta ibiltzeko eskatuko die oriotarrak aurkitzen dituenei.

Iban Garciak saiora etortzeko gonbidapenak banatzen jarraituko du. Aste honetan, Eibarko entrenatzaile den Jose Luis Mendilibar izan da bere helburua. Lortu ote du berarekin hitz egin eta gonbidapena ematea?

'Gure Kasa' astelehenetik ostegunera izaten da ikusgai 21:30ean, ETB1en eta eitb.eus-en.