ETB1en, 21:30ean
'Argiaren hautsa' antzezlaneko hiru aktore gaur, 'Gure Kasa'n
EiTB
Miren Gojenola, Mikel Laskurain eta Ander Iruretagoiena elkarrizketatuko dituzte asteko lehen saioan Telleria anaiek eta Zuriñek.
Julen eta Antton Telleria, saioaren aurkezleak.
Gaur, 'Gure Kasa' saioan, Argiaren hautsa antzezlaneko hiru protagonista izango dituzte gonbidatu: Mikel Laskurain, Miren Gojenola eta Ander Iruretagoiena. Azaroaren 13an estreinatu zuten, eta herriz herri dabiltza orain. Lan berri horren nondik norakoez, beren ibilbideez, antzerkiaz eta telebistaz hitz egingo dute ordubetez.
Nerea Aliasek artxiboa karga-karga eginda dakar, Nahiara Gagok antzezlanarekin zerikusia duen jolas bat ekarriko du, eta Iban Garciak 'Photo booth challenge-a' aurkeztuko du.
Asisko Urmenetak eta bere errotuladoreek bitxikeria bat edo beste aterako dute argitara marrazkien bidez. Iñigo Vicensek, berriz, Euskal Herriko kaleetan jarraitzen du 'Fit camp' ikusgarriak antolatzen.
'Gure Kasa' 21:30ean izango da ikusgai, ETB1en eta eitb.eus-en.