Joseba Asiron Iruñeko alkatea, gaur, 'Gure Kasa'n

Joseba Asiron izango da gaur gaueko 'Gure Kasa'ko gonbidatua. 2015etik Iruñeko alkatea da, baina, horrez gain, beste mila gauza ere egin ditu. Bere ibilbideaz, euskaraz, datozen hauteskundeez eta bere lanaz hitz egingo du, giro onean.

Nerea Aliasek Oroitzapenen kaxa ekarriko du. Joseba Asironen gertukoekin eta familiakoekin izan da Iruñean. Alkatea hunkitzea lortuko du? Asisko Urmeneta eta bere errotuladoreak ere izango dituzte bisitan. Marrazkien bidez gonbidatuaren pasarte bitxiak erakutsiko ditu.

Zer gertatuko da hurrengo hauteskundeetan? Joseba Asironek Onintza Enbeita izango du aurrez aurre, eta bertso bat botatzea edo kartak botatzea aukeratu beharko du.

'Gure Kasa' astelehenetik ostegunera izaten da ikusgai ETB1en eta eitb.eus-en, 21:30ean.