Maria Amolategiri elkarrizketa, gaur gauean, 'Gure Kasa'n

Gaur gauean, Maria Amolategi izango da 'Gure Kasa' saioko gonbidatua. Abeslari beasaindarrak disko berria du esku artean, eta abesti bat zuzenean kantatuko du platoan. Halaber, asteazken honetan 'BaGo!az' saioaren hirugarren denboraldia estreinatuko da ETB1en, eta Mariak coach izaten jarraituko du. Talent show horren berrikuntza guztiak aurreratuko ditu.

Horrez gain, Nahiara Gagok jolas dibertigarri bat ekarriko du, eta marrazten jarriko ditu Maria Amolategi, Zuriñe eta Telleria anaiak. Nerea Aliasek ETBko artxiboan topatu dituen Mariaren irudiak ekarriko ditu, eta Jon Garate kalean izango da jendea coach lanetan eta kantuan jartzen. Bestalde, Onintza Enbeita Kantarota egitera etorriko da. Bertsoa bota edo kartak bota. Zer aukeratuko du Maria Amolategik?

Iban Garciak saiora etortzeko gonbidapenak banatzen jarraitzen du. Martin Berasategi sukaldaria da aste honetako erronka.

'Gure Kasa' astelehenetik ostegunera izaten da ikusgai, 21:30ean, ETB1en eta eitb.eus-en.