Eneko Goia Donostiako alkatea, 'Gure Kasa' saioan

Gaur, Eneko Goia Donostiako alkatea izango dute gonbidatu 'Gure Kasa'n. Lau urte daramatza hiriburuko alkatetzan eta 2005etik politikan. Bere ibilbidea errepasatu, jolastu eta hobeto ezagutzeko aukera izango dugu.

Onintza Enbeitak Kantarota tartea aurkeztuko du. Bertsoa edo kartak bota. Zer aukeratuko du Eneko Goiak? Bertsoa entzun edo hauteskundeetan nola joango zaion aurreikusi?

Jon Garate Donostiako kaleetan ibili da alkateari buruz galdezka eta jolasean eta Nerea Aliasek Oroitzapenen kaxa ekarriko du platora. Eneko Goiaren lagun eta familiakoekin izan da bideo hunkigarri bat prestatzen.

Iban Garcia inauterietara bidali dute. Tolosan izan da bertako giroa ezagutu eta jantzi bitxienak aurkitzeko.

'Gure Kasa' 21:30ean dago ikusgai ETB1en eta eitb.eus-en.