21:00etan
Gontzal Mendibil musikaria izango da gaurko gonbidatua 'Gure Kasa'n
EiTB
'Biok' diskoa eta 'Bittor eta Biok' liburua, Mendibilen azken bi lanak, hartuko dituzte hizpide.
Gontzal Mendibil musikaria. EiTBko bideo batetik ateratako irudia
Gaur gauean, 'Gure Kasa' saioan, euskal musikagintzaren mito bat izango dute gonbidatu: Gontzal Mendibil. Hemezortzigarren diskoa ateratzear du Mendibilek, Biok izenekoa, eta liburua ere argitaratu berri du: Bittor eta biok. Bi lanez eta bere ibilbide luzeaz hitz egingo du Zeanurikoak Telleria anaiekin eta Zuriñerekin.
Sorpresaz beteriko saioa izango da, Potilleoa eta Oroitzapenen kaxa atalei esker, baina, batez ere, inondik inora espero ez duen gutun bat jasoko duelako: Joseba Sarrionaindiarena. Gontzal Mendibil zeharo hunkituko da euskal idazlearen hitzekin. Saioa bukatzeko, Gontzalek bere azken diskoko Biok kanta abestuko du.
'Gure Kasa' astelehenetik ostegunera izaten da ikusgai, 21:00etatik aurrera, ETB1en eta eitb.eus-en.