Unai Elorriaga idazlea, gaurko 'Gure Kasa'n

Gaurko 'Gure Kasa'n, Unai Elorriaga idazlea izango dute gonbidatu. Idazle bizkaitarrak bere liburu berria aurkeztuko du: Iturria. Hamar ipuinez osatutako eleberriak adiskidetasunaren, literaturaren eta zahartzaroaren begirada pertsonala islatzen du. Horrez gain, Unairen ibilbide profesionalaz hitz egingo du, besteak beste, idatzi dituen liburuak eta lortu dituen sariak errepasatuz. 

Sorpresaz betetako saioa izango da. Hasteko, Zuriñek inork egiten ez dituen galderak egingo dizkio Unairi. Marta Elvira, bestalde, Algortara joan da Unairen gertukoak ezagutzera. Gainera, Ainhoa Sanchez Xepe Gallastegi Eibarko entrenatzaile eta jokalari ohiaren etxean egon da, eta Eibarren partida leku paregabe batetik ikusteko aukera izan du. Azkenik, Maddalen Arzallusen eskutik, Unairen abestien kaxan murgilduko dira, bere abesti kuttunenak entzuteko.

'Gure Kasa' astelehenetik ostegunera izaten da ikusgai, 21:00etan, ETB1en eta eitb.eus-en.