Bidasoa eskubaloi taldeko jokalariak, gaurko "Gure Kasa"n

Gaurko "Gure Kasa" saioan, Kauldi Odriozola, Jon Azkue, Iker Serrano eta Mikel Zabala Bidasoa eskubaloi taldeko jokalariak izango dituzte gonbidatu. Iaz, Bidasoa txapeldunorde izan zen Asobal Ligan, eta aurten ere ederki ari da: hirugarren postuan dago, bigarrenetik 2 puntura.

Jolasean jarriko dituzte jokalariak, eta haien sekretuak jakingo ditugu Leire Olaberriaren Ai amatxo atalean. Kolaboratzailea lau gonbidatuak ondo ezagutzen dituen jokalari batekin izango da.

Ainhoa Sanchez, bere aldetik, Eibarren egon da, bertako Lambreta klubeko kideekin.

"Gure Kasa" astelehenetik ostegunera izaten da ikusgai ETB1en eta eitb.eus-en, 21:00etan.