Iñaki Murua eta Imanol Lazkano bertsolariak, gaur gauean, "Gure Kasa"n

Gaur gauean, bi bertsolari mitiko izango dituzte "Gure Kasa"n: Iñaki Murua eta Imanol Lazkano. Garai batean plaza ugari betetakoak dira biak. Muruak Binakako Txapelketa irabazi zuen 1970ean, eta Gipuzkoako txapelketan finalista izan zen bi aldiz. Lazkano, berriz, Txapelketa Nagusiko finalera iritsi zen bitan, 1982an eta 1989an. Gainera, biak urte luzez izan dira Bertsozale Elkarteko lehendakari.

Maddalen Arzallusek bertsotan jarriko ditu Lazkano eta Murua, eta oso hunkituta ikusiko ditugu bi gonbidatuak Izaskun Moyanoren Oroitzapenen kaxarekin.

"Gure Kasa" astelehenetik ostegunera izaten da ikusgai ETB1en eta eitb.eus-en, 21:00etan.