21:00etan
"Ene ba!" antzezlaneko aktoreak izango dira gaurko gonbidatuak "Gure Kasa"n
EiTB
Jose Kruz Gurrutxaga, Alazne Etxeberria, Asier Sota eta Mikel Laskurain aktoreak izango dira gonbidatuak.
'Ene ba!' atzezlaneko protagonistak "Gure Kasa"n. EiTBren bideo batetik lortutako irudia
Gaur gauean, Ene ba! antzezlaneko aktoreak izango dituzte gonbidatu "Gure Kasa"ko platoan: Jose Kruz Gurrutxaga, Alazne Etxeberria, Asier Sota eta Mikel Laskurain. Jaiotzear den umearen izenak familian sortuko duen liskarra da antzezlanaren ardatza, eta istorioa eta pertsonaien nondik norakoak azalduko dituzte gonbidatuek. Gainera, jolasean jarriko dira, eta pixka bat lotsarazi ere egingo dituzte.
Horrez gain, Jon Garate Goenkalek esana atalarekin etorriko da beste behin: munduan gertaturiko bi albiste eta Goenkalek "aurreikusitakoak" kontatuko dizkigu Garatek.
"Gure Kasa" astelehenetik ostegunera izaten da ikusgai, 21:00etan, ETB1en eta eitb.eus-en.