21:00etan
Skakeitan taldeko kideak izango dira gaurko gonbidatuak "Gure Kasa" saioan
EiTB
"Nola galdu denbora" izenburu duen taldearen azken lana izaten ari den harrera kontatuko dute gonbidatuek, besteak beste.
Skakeitan taldea egongo da "Gure Kasa" saioan. Argazkia: Skakeitan
Musikan murgilduko da gaur "Gure Kasa" saioa. Azkenaldian askotan entzun dugun talde bat gonbidatu dute: Skakeitan. Nola galdu denbora izenburu duen taldearen azken lana izaten ari den harrera kontatuko dute gonbidatuek, besteak beste.
Marta Elvira kolaboratzaileak, berriz, taldeak Donostiako zein txokotan poteatzen duen kontatuko du Potilleoa atalean.
Amaitzeko, zuzenean joko dute disko berriko "Eklipse" abestia.
"Gure Kasa" astelehenetik ostegunera izaten da ikusgai, 21:00etan, ETB1en eta eitb.eus-en.