Musikariak izango dira gaurko protagonistak "Gure Kasa" saioan

Aiora Renteria Zea Mays taldeko abeslaria, Josu Ximun Billelabeitia Belako taldeko gitarra-jotzaile eta abeslaria, Iñigo Etxezarreta ETS taldeko abeslaria eta Gontzal Mendibil abeslari eta egilea izango dira gaurko "Gure Kasa" saioko gonbidatuak. Besteak beste, euskal musikaren eta musikarien egoera konfinamendu ostean, martxan jartzen ari diren abesti, disko eta kontzertuak, eta egun gutxi barru izango den Gaztea irratiaren Maketa Lehiaketaren finala izango dituzte hizpide. 

Antton Telleriak eta Maddalen Arzallusek gidatuko dute saioa, Virginia Santos bekadunaren laguntzarekin. Jon Gotzon Aldaparena Gaztea irratiko esataria izango da aste honetako kolaboratzaile gonbidatua, eta Hernani beste ikuspuntu batetik erakutsiko digu.

Bestalde, Marta Elvira Tolosan izan da terrazeoa egiten eta gure gonbidatuei buruz galdezka. Joseba Beloki, berriz, Agin Laburu bertsolari eta sagardogilearekin egon da. Nola eraman du bere bi lanbideen geraldia? Eta noiz itzuliko da lanera?

Horrez gain, Gure Kasa Band taldeak beste ikuskizun bat egingo du, eta Iñigo Etxezarretak zuzenean joko du beraien azken abestia.

"Gure Kasa" ostegunetan izaten da ikusgai, 22:30ean, ETB1en eta eitb.eus-en.