'Hik lan eta nik jai', gaur gauean, 'Hauxa2' saioan

Onintza Enbeitak eta Ana Goitiak bere biziko albistea jasoko dute 'Hauxa2' saioan: Amorotoko festetako pregoilari eta txupinera izatera gonbidatuko dituzte.

Aitzakia horrekin, gure bi protagonistak festa giroan murgilduko dira; urteetan zehar festek izandako bilakaera aztertzetik hasi eta antolatzeak dakartzan lanetaraino.

Amorotoko San Martin jaiak eta Lekeitioko sanpedroak ezagutuko dituzte: Kaxarranka dantza ezaguneko protagonistarekin izango dira, emakumeen aurreskuaren tradizioa deskubrituko dute eta, besteak beste, Gorka Ortiz de Urbina Zeledon ospetsuak pregoilari onak izateko gomendioak emango dizkie.

'Hauxa2' saioa, gaur, 22:00etatik aurrera, ETB1en eta eitb.eus-en.