Famaren zama, gaur gauean, 'Hauxa2' saioan

Onintza Enbeita eta Ana Goitia harrotuta dabiltza. Uda hasieran sortu zuten 'Watxiniti' abestia arrakasta betean dabil, eta Euskal Herriko jai eta irrati guztietan entzuten da. Arrakastak, ilusioak eta egoskorkeriak abestiaren bideoklipa egitera bultzatuko ditu.

'Hauxa2' saioaren atal dibertigarri honetan, Anak eta Onintzak Aitziber Garmendia eta Itziar Atienzaren aholkuak jasoko dituzte, Kepa Errasti aktore eta gidoilariak interpretazio ikastaro bat emango die eta Gazteako 'Dida' saioan elkarrizketatuko dituzte. Bideoklipa egiteko, dantza klaseak jasoko dituzte, eta, gainera, Iker Galartzaren ametsa beteta ikusiko dute, Gure Zirkua proiektuarekin.

Musika, ospea, fama eta dantza, nahasian, 'Hauxa2' saioko atalik alaienean, 22:00etan, eitb.eus-en eta ETB1en.