23:40an
Itziar Alonso rally pilotuarekin, gaurko 'Herri People' saioan
A.A.
EiTB
Olatz Ruiz de Gordejuela biolin-jotzailearekin eta Bizente Lasa asmatzailearekin ere egongo da Ibon Gaztañazpi.
Itziar Alonso mekanikari eta rally pilotuaren eguneroko jarduna ezagutuko du gaurko 'Herri People' saioan Ibon Gaztañazpik. Nicanor Zabaleta beka eskuratu duen Olatz Ruiz de Gordejuela biolin-jotzailearekin ere izango da, eta Bizente Lasa asmatzaileak ur gainean mugitzeko tramankulua erakutsiko dio Iboni.
Aste honetako 'Herri People' saioko beste bi protagonistak erle artean bizi den Antonio Mujika lesakarra eta hegaluzea eta izokina modu tradizionalean ketzeko sekretua irakatsi digun Kepa Freire izango dira.
Ibon Gaztañazpik gidatzen duen saioa 23:40an izango da ikusgai gaur gauean ETB1en.