Donejakue bidean izango da gaurko 'Herri People'

Gaur gauean, Euskal Herria zeharkatzen duten bideetatik ibiliko da Ibon Gaztañazpi. Donejakue bidearekin harreman zuzena duten pertsonekin eta hainbat erromesekin hitz egiteko. Bakoitzak bere istorioa azalduko du, bakoitzak bere arrazoiak baititu bidea egiteko, eta 'Herri People' saioa motibazio horien atzean abiatuko da.

Zer du Donejakue bideak hainbeste jende erakartzeko? Erromesek, gainera, bidea behin baino gehiagotan egiten dute. Motxila, botak eta makila hartuta, bideari ekingo dio Ibon Gaztañazpik.

'Herri People' gaur izango da ikusgai, 22:30etik aurrera, ETB1en.