22:15ean
Udaberria hizpide, gaur gauean, 'Herri People' saioan
A.H. | EITB
Udaberria modu berezian bizi duten pertsonak eta udaberriarekin batera antolatzen diren jarduera ezberdinak ezagutuko ditu Ibon Gaztañazpik.
Your browser doesn’t support HTML5 video
Udaberriak bete-betean harrapatu gaitu eta urtaro hau modu berezian bizitzen dutenengana joko du gaurko 'Herri People' saioak. Gure inguruan jarduera berezi asko abiatzen dira udaberriarekin batera eta horien berri izango du Ibon Gaztañazpik atal berezi honetan.
Denetarik daukan urtaroa izaten da udaberria, eta horrelakoa izango da 'Herri People' programa: oparoa eta anitza. Itsaso zein lurra, iparra zein hegoa, Euskal Herria osoa zeharkatuko du Gaztañazpik oraingo honetan Euskal Herritar berezien albuma osatzen jarraitzeko.
'Herri People' asteazkenetan izaten da ikusgai 22:15etik aurrera eitb.eus-en eta ETB1en.