15:00etan
2019ko bertsoaldien bilduma, gaurko 'Hitzetik Hortzera'n
EiTB
Amurrio, Ondarroa, Barañain, Tolosa, Donostia, Irun, Pasaia, Lasarte-Oria, Zumaia, Senpere eta Bilboko bertsoladiak ekarriko dituzte gogora.
Your browser doesn’t support HTML5 video
Urte berriari gogotsu ekiteko, urtarriletik abendura bitarteko une ederrak gogoratuko ditu 'Hitzetik Hortzera' saioak. Urteko azken programan, 2019ak utzitako bertsoaldi aipagarrienen errepasoa egingo dute.
2019. urtea plazaz-plazako bidaia izan da; hitzaren bilaketa etengabea, eta gure maleta bertsoaldiz beteta dure. Igandeko 'Hitzetik Hortzera'n, Amurriora, Ondarroara, Barañainera, Tolosara, Donostiara, Irunera, Pasaiara, Lasarte-Oriara, Zumaiara, Senperera eta Bilbora bidaiatuko dute.
2019ko azken programarekin amaituko da aurtengo bidaia, 12 hilabeteko bidaia. Eskerrak bertsoa urte berriari, gai berriei eta arazo zaharberrituei kantuan arituko den; eskerrak ezerk ez duen etenik. Aurtengo azken igandean bezala, datorreneko lehen igandean itzuliko da 'Hitzetik Hortzera'.
'Hitzetik Hortzera' gaur izango dugu ikusgai 15:00etan, ETB1en eta eitb.eus-en; eta astelehenetik aurrera, EITB Nahieran atarian.