15:00etan
Ahalduntze Bertso Eskola, gaur, 'Hitzetik Hortzera'n
EiTB
Bertsolari eta gai-jartzaile emakumeak trebatzeko hilean behin elkartzen den bilgunea ezagutzeko aukera izango dugu aste honetako saioan.
Eider Perez Ahalduntze Bertso Eskolako kideekin. Argazkia: Bertsozale Elkartea
Bosgarren ikasturtea du aurtengoa Ahalduntze Bertso Eskolak. Bat-batean trebatu nahi duten emakume bertsolari eta gai-jartzaileei zuzendutako bertso-eskola da; hilean behin elkartzen da taldea, eta horietako hitzordu batean egon da 'Hitzetik Hortzera'.
Ahalduntze Bertso Eskolan bizitakoak eta ikasitakoak ezagutzeko, bertan parte hartzen duten lau lagun izango dituzte solaskide: Bertsozale Elkarteko Ixiar Eizagirre, Ainhoa Aranburu gai-jartzailea eta Amaia Iturriotz eta Maider Arregi bertsolariak.
Bestalde, urte amaierako eta urte hasierako bertso emanaldietako pasarteak izango ditugu ikusgai: Elgoibarren Gabon egunean egin zen bertso jaialdia, Amurrion izan zen Txapelketa Nagusiko finalisten saioa eta Oiartzungo Elkartasun Jaialdia.
'Hitzetik Hortzera' gaur izango da ikusgai, ETB1en eta eitb.eus-en, 15:00etan. Astelehenetik aurrera, berriz, EiTB Nahieran atarian egongo da.