ETB1en, 21:15ean
Iñigito Txapelpunk eta beste hainbat lekeitiar, gaurko 'Karabana'n
EiTB
Lekeitioko gastronomia eta ohiturak ezagutzen jarraituko dute Zigor Iturrietak eta Itxaso Gonzalezek.
Iñigito Txapelpunk ETBko beste saio batean.
Lekeition izango dira bigarren egunez 'Karabana' saioko lagunak. Iñigito Txapelpunk musikari ezagunarekin arituko dira sukaldean Zigor Iturrieta eta Itxaso Gonzalez. Horrez gain, Itxaro Mentxaka mezzosopranoa, Unai Egia musikaria eta Nahia Quincoces mendi-eskiko kirolaria elkarrizketatuko dituzte.
Lekeitioko itsasargiari buruzko erreportajea izango dugu ikusgai, Estudiantina taldea kantuan entzungo dugu, eta Egaña jatetxearen eta Matxitxako Moluskoak enpresaren eguneroko jarduna ezagutuko dugu Jon Akarregiren eta Txomin Lasarteren eskutik.
'Karabana' saioa 21:15ean izango da ikusgai ETB1en eta eitb.eus-en.